Date: prev next · Thread: first prev next last


Agora que acaba de saír a 4.3.3

Aí atrás, bastantes meses a verdade, comentei a oferta da Document
Foundation para abrir unha instancia a varios idiomas nas comunidades
que estivesen interesadas.

Naquel momento eu considerei que non nos conviña en galego e por iso
deleguei en quen quixese levalo adiante que fixese as xestións e se
encargase. As miñas razóns eran polo seguinte

- Necesitábamos xente para xestionar ese servizo, e xa hai pouca para
o labor fundamental do NL que é manter e avanzar na tradución de
recursos do proxecto.
- O software que utiliza LibreOffice é o Askbot, que non estaba
traducido ao galego
- Non vía eu funcional por falta de masa crítica un servizo de
preguntas e respostas só en galego para LibreOffice. Baseábame para
iso na miña experiencia e intuición (os foros de mancomún, trasno,
ciberirmandade e outros que foron aparecendo/desaparecendo). É dicir
non compensa. Como tampouco compensa en ningún outro proxecto (Ubuntu,
Google, etc)

Xa nese momento se vía que o único que podía ter sentido era un sitio
onde estivese todo e que puidese ser compartido por todas as
comunidades e todo tipo de participantes (usuarios, estudantes,
profes, desenvolvedores, creativos, etc)

A onde vou é que a OSL das universidades galegas acaba de abrir un
servizo que pretende ser ese punto de unión e colaboración. Gustariame
que se lle dese todo o apoio posible xa que non nace teledirixido a
nada, está aberto non só á participación senón á propia administración
e xestión da comunidade (meritocracia  + apoio institucional).

Por se alguén necesita aclaracións, fíxose o enorme esforzo de
traducir o Askbot (en Transifex) que logo non funcionou, e levoume
máis de un ano poñer o servizo este a andar pero agora eu xa son un
simple membro máis, non estou na OSL, nin pretendo gobernar nada.

Creo que a OSL é un excelente sitio para este servizo, xa que non
depende de ningún poder político partidario directo, senón colexiado e
nas universidades hai comunidade de usuarios e especialistas de sobra
como para "alimentar" con preguntas e respostas interesantes o
Preguntoiro. Moitos deles son tamén membros das comunidades de
proxectos de software libre; nin está sometido a ningunha empresa nin
aos avatares de ningunha asociación. A OSL pode pechar, claro, pero o
Consorcio (CIXUG) non o creo ou sempre se podería pedir a continuación
na infraestrutura, sobre todo se ten usuarios abondo e utilidade.

No que a esta comunidade atinxe anímovos a participar e pídovos o voso
parecer sobre consideralo "sitio oficial" preferente de consultas de
usuarios para LibreOffice e poñelo así no web do equipo galego (sen
eliminar a lista de users, claro). Eu creo que os usuarios de software
libre galegos e os galegofalantes sobre todo das xeracións máis novas
prefiren estes sistemas máis visibles e rexeitan as listas de correo e
sobre todo a eles debe ir enfocado un sitio de apoio. Tamén é un tema
que nos quitamos de enriba as distintas comunidades de tradución.

Aquí o sitio
http://preguntoiro.cixug.es

Opinións por favor?


Apertas,

Antón


-- 
Antón Méixome - Galician Native Lang Coordination
Galician community LibO & AOO

-- 
Correo a discuss+unsubscribe@gl.libreoffice.org para saber como desubscribirse
O arquivo está dispoñible en http://listarchives.libreoffice.org/gl/discuss/
As mensaxes enviadas a esta lista terán arquivo público, non se poderán borrar

Context


Privacy Policy | Impressum (Legal Info) | Copyright information: Unless otherwise specified, all text and images on this website are licensed under the Creative Commons Attribution-Share Alike 3.0 License. This does not include the source code of LibreOffice, which is licensed under the Mozilla Public License (MPLv2). "LibreOffice" and "The Document Foundation" are registered trademarks of their corresponding registered owners or are in actual use as trademarks in one or more countries. Their respective logos and icons are also subject to international copyright laws. Use thereof is explained in our trademark policy.