Re: [gl-users] Numeración e viñetas en galego

Ola Isma,

Interesante cuestión aínda que non lle demos a importancia que seguro
que ten para as traducións técnicas coma a xurídica.

Podo preguntar, como resolves ti se fas unha tradución do castelán ao
galego para manter a correlación de letras?

Para outros usuario seguramente sexa mellor manter o actual:
"Na ordenación de parágrafos con letras utilizaranse todas as letras
simples do alfabeto, incluídas o «j», o «ñ» e o «w», pero non os
dígrafos «ch» e «ll»."

Manual de Estilo do DOG
http://wikidog.xunta.es/index.php/Elementos_constantes_da_estrutura_xeral_dos_textos


Efectivamente, o alfabeto que utiliza Writer e calquera outra
ferramenta de LibreOffice non é estritamente o galego, que ten 23
letras, entre as que non esta ordinariamente  "j" nin "k" nin "y" pero
si  "ñ"

Daríaste conta que o alfabeto que utiliza é o portugués, de 26, sen
"ñ" nin "ç"  pero con k,j, y

Isto non é un problema de tradución senón de "localización" de
configuración, como o tipo de moeda, o calendario, os decimais, etc.

Probablemente teñas razón e haxa que facer por introducir o alfabeto
galego entre as opcións.

Un saúdo,

Antón Méixome
Responsable de tradución de LibreOffice




2017-02-17 13:13 GMT+01:00 Isma Ordóñez <isorfe@gmail.com>:
> Ola,
>
> Cando se enumera con letras en writter, esta emprega un abecedario distinto
> ó galego, aparecendo a j cando esta letra non existe no noso idioma.
> Normalmente non sería un problema, pero estou transcribindo un texto legal
> e non podo empregala.
>
> Supoño que xa se preguntou antes por isto, pero por se acaso envíoo. Tamén
> probablemente este non sexa o sitio onde preguntar por isto, pero non
> atopei ningún mellor.
>
> Unha posible solución para non afectar as enumeracións en castelán sería
> incluir o alfabeto galego como opción, ó igual que o búlgaro.
>
> Saudos e moitas grazas polo voso tempo.
>
> Ismael Ordóñez.
>
> --
> Correo a users+unsubscribe@gl.libreoffice.org para saber como desubscribirse
> O arquivo está dispoñible en http://listarchives.libreoffice.org/gl/users/
> As mensaxes enviadas a esta lista terán arquivo público, non se poderán borrar



-- 
Antón Méixome - Galician Native Lang Coordination
Galician community LibO & AOO

-- 
Correo a users+unsubscribe@gl.libreoffice.org para saber como desubscribirse
O arquivo está dispoñible en http://listarchives.libreoffice.org/gl/users/
As mensaxes enviadas a esta lista terán arquivo público, non se poderán borrar