Re: [gl-discuss] Versión 4

Home, sempre se podería anunciar como 100% traducida e incluír na nova unha aclaración sobre o 
problema, e explicar que está pendente de que os desenvolvedores o solucionen. Cando o fagan, 
pódese publicar unha nota, máis curta, indicando que xa se solucionou e animando a descargar a nova 
versión co arranxo.

O Martes, 5 de Febreiro de 2013 02:17:48 Anton Meixome escribiu:
> Ola a todos,
>
> A versión 4 sairá publicada segundo a previsión o día 6, é dicir, mañá.
>
> Aínda non está dispoñible a nota de prensa para adaptala e publicar en
> todos os idiomas.
>
> Respecto da localización, está feita ao 100% en galego (xunto con outros 28
> idiomas entre os que non está o español !!) Supuxo máis ou menos unhas 3600
> novas palabras e toda unha sección dedicada á localización de procesos
> estatísticos pero hai un pequeno problema que a ver se se resolve:
>
> Aparecen unhas 6 ou 7 cadeas sen localizar na RC3. Xa mandei un correo.
> Parece que é un problema que só nos afecta a algúns idiomas. Pedin que se
> fixese unha nova RC pero supoño que como máximo sacarán unha nova
> compilación xa definitiva.
>
> O malo é que son cadeas que aparecen nos menús da Barra estándar e por
> tanto son moi visibles (por exemplo Editar → Saír (que aparece como "Exit
> LibreOffice"). Se non se soluciona a tempo, teño a dúbida de se debemos
> promocionala para o público galego ou agardamos a que se corrixa, que sería
> dentro dun mes.
>
> Acaba de saír aínda o pasado día 3 a versión 3.6.5 á que non lle dou máis
> importancia porque a rama 3.6 xa é moi estable desde a versión 3.6.2. En
> todo caso faria fincapé na 3.6.6 que será última e por tanto a máis estable
> (prevista para mediados de abril).
>
> Calquera cousa xa sabedes... o correo é gratis
>
> Un saúdo,

-- 
Correo a discuss+help@gl.libreoffice.org para saber como desubscribirse
O arquivo está dispoñible en http://listarchives.libreoffice.org/gl/discuss/
As mensaxes enviadas a esta lista terán arquivo público, non se poderán borrar