Re: [eo-discuss] Ĉesis labori

Dankon. Mi mem bedaŭrinde ne povos helpi tiurilate, sed mi plusendis la 
informojn al kelkaj kolegoj, en eventualaĵo ke tio altiros la atenton de 
iu kunlaboremulo.

Mi estus sendinta al Tim Morley, sed ŝajne mi ne plu havas lian 
retpoŝtan adreson.

Pli ĝenerale, eble utilus kunigi homojn kiuj laboremus pri similaj 
projektoj. Ekzemple, mi uzas Latex por esperantlingvaj tekstoj. Se ni 
havus forumon por ĉiaj tiaj projektoj eble ni sukcesus havigi krizan 
mason por ke eventuale io povus rezulti en la praktiko.

Kore salutas Ian

On 26/02/2026 19:17, odze5261@libreoffice.org wrote:
> Ian
>
> En 2004 mi aliĝis al la teamo por krei la esperantan version de 
> OpenOffice. Estis almenaŭ dek esperantistoj en la teamo estrita de Tim 
> Morley. Tiu teamo kreis la unuan fasadon tute en Esperanto.
> En 2010 Oracle akiris je OpenOffice kaj la projekto disiĝis. La 
> LibreOfffice-projekto kreiĝis. Post iom da tempo Oracle transdonis je 
> OpenOffice al la Apache-fonduso. Je la tempo de la disiĝo restis nur 
> du anoj en la esperanta teamo. Mi transiris al LibreOffice. La alia 
> teamano ĉesis labori por la afero. La esperanta versio de OpenOffice 
> ne plu estas havebla, laŭ mia scio.
>
> De 2010 ĝis 2025 mi sole laboris por LibreOffice. Mia ĉefa tasko estis 
> ĉiujare ĝisdatigi la fasadon. Mi iom prilaboris la helptekston, sed 
> por unu homo tiu estas neĝisdatigebla. Mi tradukis kelkajn manlibrojn 
> pri LibreOffice, kaj mi iom laboris pri la retejo ĉe 
> https://eo.libreoffice.org/ sed tio nun ne estas ĝisdata.
> La projekto uzas la programaron Weblate por ĝisdatigi la fasadon kaj 
> kelkajn aliajn dokumentojn. Ĝi estas facile uzebla.
>
> Por aliĝi vizitu la paĝon LibreOffice Community ĉe 
> https://www.libreoffice.org/
> aŭ la esperantan paĝon ĉe: https://eo.libreoffice.org/ kaj Kontribui
> kaj la paĝon Translating LibreOffice ĉe 
> https://wiki.documentfoundation.org/Translating_LibreOffice
>
> Donaldo

--
Unsubscribe instructions: E-mail to discuss+unsubscribe@eo.libreoffice.org
Posting guidelines + more: https://wiki.documentfoundation.org/Netiquette
List archive: https://listarchives.libreoffice.org/eo/discuss/
Privacy Policy: https://www.documentfoundation.org/privacy