AW: [de-nds] Woortlisten

Moin an all,
wenn Slomox dor mitmookt, is dat ganz good.
He is jo teemlich aktiv mit dat plattdüütsche; Wikipedia, Studium usw.
un kann ok mithölpen, wenn dat üm de Theorie geiht.
Natürlich mutt he denn in de List vun de Autoren stohn.

Op man denn de Fehrs-Gill noch bruukt, is ehr nich so.
Een Vördeel wöör aver dat, wat se in de Verdragsvörlaag in §§ 2.1 un 2.2 seggt hebbt
(se levert all plattdüütsch Wöör mit Rechtschrieven usw.).
Op jeden Fall schull den de Documentfoundation den Verdrag dregen, as ik dat in mien'n Nettbreef 
all seggt hebb.

Wat schull'n wi doon? 
1. Op jeden Fall Slomox mitmaken laten.
2. De Documentfoundation (dat is Thorsten) kunn een ännerte  Verdragsvörlaag mit dat Thema “Open 
Source” an den Fehrs-Gill schicken. Dor warrt Herr Thies denn över nodenken un wi hebbt een beeten 
Tiet.

Beste Gröten
Jörn

> -----Ursprüngliche Nachricht-----
> Von: Heiko Evermann [mailto:heiko.evermann@googlemail.com]
> Gesendet: Freitag, 14. November 2014 22:57
> An: nds@de.libreoffice.org
> Betreff: [de-nds] Woortlisten
>
> Moin tosamen,
>
> ik hebb Slomox, also Marcus Buck vun plattmakers noch mal anschreven. He
> maakt mit un he hett uns sien Verlööv geven, dat wi sien List vun 18000
> Indrääg opnehmen köönt. Wi sünd noch an't Simmeleern, woans wi dat so
> ruttrecken köönt, dat dat möglichst eenfach optonehmen is. Villicht treckt he
> de List mit all de Forms sülvst rut, villicht schriev ik dor en Programm för, dat
> dat so wiet vörbereiten deit, dat dat Naarbeiten un dörkieken licht is.
>
> Dat is goot. Un ik hebb Slomox denn toseggt, dat wi em ok in de Autorenlist
> mit opnehmt.
>
> Wat de Fehrs-Gilde angeiht, weet ik nich, wat wi dor nu mit maakt. Mi is de
> Papeerkram to kumplizeert. Wenn ik bi so wat vun Verdrag lesen dei, denn
> weet ik nich, wat ik dor mit maken schall. Wat is wichtig, wat mutt dorbi
> ween? Ik harr mi egentlich dacht, de geevt uns bloots en Breev, dat se dat
> ünner en Open Source Lizenz stellt, un denn maakt wi dat ut jemehr
> Wortdatei trecht. Man so? Mit Verdrag? Thorsten, woans hett de document
> foundation dat denn sünst maakt bi annere Spraken. Ik as Privatmann will dor
> jedenfalls nich direkt Verdragspartei ween. Dat schall man de foundation
> ween un nich ik.
>
> Ik weet ok nich, wo dringend wi dat denn bruken deit, wenn Slomox sien List
> erst mal mit an Bord is.
>
> Wat meent ji dorto?
>
> Hartlich Gröten,
>
> Heiko
>
> --
> Liste abmelden mit E-Mail an: nds+unsubscribe@de.libreoffice.org
> Probleme? http://de.libreoffice.org/hilfe-kontakt/mailing-listen/abmeldung-
> liste/
> Tipps zu Listenmails: http://wiki.documentfoundation.org/Netiquette/de
> Listenarchiv: http://listarchives.libreoffice.org/de/nds/
> Alle E-Mails an diese Liste werden unlöschbar öffentlich archiviert


-- 
Liste abmelden mit E-Mail an: nds+unsubscribe@de.libreoffice.org
Probleme? http://de.libreoffice.org/hilfe-kontakt/mailing-listen/abmeldung-liste/
Tipps zu Listenmails: http://wiki.documentfoundation.org/Netiquette/de
Listenarchiv: http://listarchives.libreoffice.org/de/nds/
Alle E-Mails an diese Liste werden unlöschbar öffentlich archiviert