Re: [gl-discuss] Apache faise cago de openoffice.org

Grazas Antón, descoñecía o que comentas.


En 2011/10/17 14:08, Anton Meixome escribiu:
> Ben, esta non é unha nova para LibreOffice senón para OpenOffice.
>
> A posición da Document Foundation é que non é pertinente facer
> declaracións públicas sobre este asunto. Non por ocultismo ou así
> senón porque non se saben ben as condicións e consecuencias directas e
> non se quere entrar en provocacións para non queimar terreo futuro.
>
> A única novidade é que se cede a "marca" OpenOffice á Fundación
> Apache, de modo que hipotéticas versións futuras poderán manter, usar,
> defender a marca OpenOffice para o que será Apache OpenOffice. O
> código xa o tiña.
>
> Detrás disto está IBM co seu Lotus Simphony, que tiña licenza de
> código por parte de Sun para usar o seu código fonte, ao que lle
> superpón unha interfaz diferente, moi pulida e feita en Eclipse. IBM
> non cobra por Lotus Simphony aos usuarios pero manteno como un produto
> de carteira para clientes aos que lles vende servizos de asistencia
> basicamente, en exclusividade... aí está o interese de IBM: poder
> seguir tendo un produto con base de código libre pero con outra parte
> pechada. Este punto non é posible con LIbreOffice que é GPL e por
> tanto viricamente libres os seus produtos.
>
> Entra dentro do probable que Apache reciba millóns de liñas de código
> de IBM por este camiño, que se suman á base de Sun,  pero será sempre
> mantendo IBM a titularidade do proxecto Simphony. Hai uns 70
> desenvolvedores na incubadora de Apache, a maioría ou os máis activos
> son persoal de IBM.
>
> O que é novo en LIbO son os proxectos para unha versión para
> teléfonos, sobre Android e outra para a nube (estilo GDocs) . Hai
> algún video de proba de concepto funcionando a través de Firefox que
> ten moi boa pinta...(agora non o atopo) pero está lonxe de ser unha
> realidade neste ano ou no vindeiro.
>
> Tamén é novo o 1º proceso de eleccións para o Consello executivo da
> LibreOffice Fundation. As votacións están en marcha abertas a todos os
> membros da Fundación. Pola parte galega, tanto Miguel coma min xa
> emitimos o noso voto.
>
> Entre o que temos pendente están varias cousas:
>
> - Facer algo máis de web para información dos usuarios galegos en
> gl.libreoffice.org
> - Introducir o corrector de galego actualizado como extensión no
> sitio, en desenvolvemento. Actualizar o corrector ortográfico no
> propio empaquetado base de LibO.
> - Decidir que se fai co dominio libreoffice.gl, que xa caducou e custa
> 43 € mantelo
> - Actualizar a tradución da IU
> - Completar algo máis o wiki
> - Facer algo da axuda
>
>
>
>
>
>
>
>
> El día 17 de octubre de 2011 11:42, damufo<damufo@gmail.com>  escribió:
> > Boas:
> > Poño aquí unha nova que considero interesante.
> >
> > http://www.genbeta.com/actualidad/finalmente-apache-se-hace-cargo-de-openofficeorg
> >
> > Envío tamén a trasno.
> >
> > Abur.
> > --
> > Dani
> >
> > --
> > Correo a discuss+help@gl.libreoffice.org para saber como desubscribirse
> > O arquivo está dispoñible en http://listarchives.libreoffice.org/gl/discuss/
> > As mensaxes enviadas a esta lista terán arquivo público, non se poderán
> > borrar

--
Correo a discuss+help@gl.libreoffice.org para saber como desubscribirse
O arquivo está dispoñible en http://listarchives.libreoffice.org/gl/discuss/
As mensaxes enviadas a esta lista terán arquivo público, non se poderán borrar