[gl-discuss] Para comunicar bugs

Estiven buscando información básica sobre como debemos proceder para
comunicar bugs.
Aínda que teoricamente a información está aquí
http://wiki.documentfoundation.org/BugReport
a realidade é un chisco distinta, así que me parece necesario darvos
información.

Animo seriamente a que nos comprometamos a facer algo de control de
calidade porque é moi necesario. Non hai moita xente facéndoo e mesmo
os distintos sistemas como o Litmus que van ser a plataforma de tests
normalizados están en pleno desenvolvemento así que as cousas aínda
van un pouco informalmente e hai que apoiarse moito nas persoas
directamente.


Creei unha conta no bugzilla, que é o sistema no que se rexistran

https://bugs.freedesktop.org/

De todas maneiras os desenvolvedores non recomendan enviar as cousas
aí se non se coñece ben o que se está a facer.

As normas para cubrir un informe no sistema están aquí

http://wiki.documentfoundation.org/BugReport_Details

Cada versión de LibO ten o que se chama un "metabug" no que se
recollen todos os informes particulares correspondentes e serve para
que os desenvolvedores de código se organicen.
Ese metabug chámanlle por exemplo este que é válido para toda a serie 3.x.x

«Bug 35673 - LibreOffice 3.4 most annoying bugs»


Recoméndase en todo caso, sen entrar en maiores complicacións
comunicar os problemas na lista

[tdf-discuss] ou ben na lista de [users}]

Tamén, por suposto, se aceptan informes nas nosas listas,
especialmente esta mesma <discuss@gl.libreoffice.org>

Como facer?

- comentar o problema e preguntar se hai alguén que o poida confirmar
- pedir a alguén que cubra o informe do bug no Bugzilla
- mandar un "borrador" de informe
- mandar un correo privado a algún dos responsables (conforme a lista
que enviei antes, por exemplo)

Axuda moito diferenciar entre problemas das novas funcionalidades ou
problemas de regresión, cando algo que funcionaba ben agora falla.

O mesmo se pode dicir sobre a solicitude de novas funcionalidades.
Sempre a través das listas.

http://www.libreoffice.org/get-help/mailing-lists/


-- 
Antón Méixome - TDF member 105
Blog about Galician Office Suite
Galician community OOo.org & LibO
http://blog.openoffice.gl // http://blog.libreoffice.gl

-- 
Correo a discuss+help@gl.libreoffice.org para saber como desubscribirse
O arquivo está dispoñible en http://listarchives.libreoffice.org/gl/discuss/
As mensaxes enviadas a esta lista terán arquivo público, non se poderán borrar